Joshua para rimeçit: Kam besim se do të jem fitimtar, me Ruiz Jr do rrehemi prapë

Anthony Joshua ka folur për meçin ndaj Andy Ruiz Jr, pas matjeve të fundit para përballjes së dy boksierëve të peshave të rënda.

Dy boksierët e njohur kanë kryer të gjitha matjet dhe më 7 dhjetor pritet të jenë në ring për ndeshjen që do të zhvillohet në Arabi Saudite.

Joshua është i vendosur të fitojë rripat e tij përsëri dhe është gati për një luftë të tretë me Ruiz vitin e ardhshëm nëse ai fiton të shtunën.

Lexo po ashtu Sa do të fitojnë boksierët Andy Ruiz Jr dhe Anthony Joshua në duelin e 7 dhjetorit

“Ai ishte në mendjen time pesë javë para 1 qershorit. Ai do të jetë në mendjen time përgjithmonë”, ka thënë fillimisht Joshua.

“Ne do të luftojmë me të gjithë. Nëse ai i është përkushtuar në ndeshje, ne patjetër se duam ta shohim njëri-tjetrin të rrëzuar të tre herë në tokë”.

“Kjo nuk do të jetë hera e fundit që do ta shoh Andy Ruizin në ring”.

Lexo po ashtu Ruiz Jr paralajmëron Joshuan: Presioni është mbi ty, dua të lë trashëgimi në boks

“Unë mendoj se bëjmë lufta të mira. Padyshim që është një nokaut në këtë luftë, kjo është ajo që njerëzit duan të shohin – gjak të derdhur dhe nokaute”.

“E ndjej atë në zemrën time, kam besim dhe besoj në veten time se do të jem fitimtar”, përfundoi britaniku. /Telegrafi/