Johnny Depp raportohet se është në lidhje me avokaten që dikur ia humbi çështjen kundër gazetës ‘The Sun’

Johnny Depp thuhet se është në një marrëdhënie ‘serioze’ me një avokate me bazë në Londër, e cila e përfaqësoi atë në gjyqin e tij të pasuksesshëm të shpifjes në vitin 2020 kundër gazetës britanike The Sun.

Joelle Rich, 37 vjeçe, është partnere në firmën e madhe ligjore ndërkombëtare “Schillings” – e cila përfaqëson gjithashtu Princin Harry dhe Meghan Markle – dhe aktualisht po kalon një divorc nga babai i dy fëmijëve të saj, me të cilin ishte martuar kur punonte me Deppin, katër vjet më parë, shkruan DailyMail.

Megjithatë, UsWeekly raporton se Rich dhe bashkëshorti i saj, Jonathan, drejtor në grupin e financave të korporatave “Bluebox”, me të cilin u martua në vitin 2011, janë në mes të një divorci – me një burim që pretendon për publikimin se marrëdhënia e avokates me Deppin është ‘serioze’.

“Kimia e tyre është e dukshme”, tha burimi i brendshëm. “Është serioze mes tyre. Ata janë në një lidhje të vërtetë”.

Edhe pse Rich përfaqësoi Deppin në gjyqin e tij kundër tabloidit britanik The Sun – të cilin ai e humbi në një vendim që avokatët e tij e quajtën ‘pervers’ dhe ‘mashtrues’ – ajo nuk ishte pjesë e ekipit ligjor në gjyqin e tij të fundit për shpifje kundër ish-gruas Amber Heard.

Por, burimi tha se ndërsa Rich nuk kishte ‘asnjë detyrim profesional’ gjatë gjyqit, ajo ishte e pranishme në sallën e gjyqit për t’i ofruar ‘mbështetje’ yllit të filmit “Pirates of the Caribbean”, duke theksuar se çështja ishte ‘personale’ për të.

Rich nuk duhet ngatërruar me një tjetër avokate bukuroshe brune me të cilën Depp ka punuar, 38-vjeçaren Camille Vasquez, e cila ishte pjesë e ekipit të tij për gjyqin e shpifjes me aktoren Amber Heard, gjatë të cilit u përhapën thashethemet se ajo po shijonte një romancë me aktorin.

Vasquez mohoi të gjitha spekulimet për një romancë me yllin – dhe DailyMail më vonë zbuloi se ajo ishte në fakt në një lidhje me ekzekutivin britanik të “WeWork”, Edward Owen.

Depp dhe Heard u ndanë në vitin 2017 pasi u martuan në vitin 2015.

Sipas Us Weekly, marrëdhënia e supozuar e Deppit me Richin filloi ‘në mënyrë diskrete’, me burimin e brendshëm që pretendonte se dyshja do të takoheshin në hotele gjatë ditëve të hershme të romancës së tyre.

Rich aktualisht është ende e martuar me bashkëshortin e saj, megjithatë dyshja mësohet se janë ndarë zyrtarisht.

Bukuroshja brune është në proces divorci, shtoi tabloidi amerikan TMZ. Ajo dhe ish-burri i saj kanë dy fëmijë.

Jonathan dhe Joelle u martuan në një ceremoni në Toskanë në korrik të vitit 2011, sipas një seti fotografik nusërie që nusja e atëhershme bëri për revistën “Brides” së bashku me nënën e saj Ava.

Rich u rrit në Londër, ku ndoqi shkollën kolegjiale të Londrës së Veriut, një shkollë private që aktualisht kushton 22,308 funte (25,146 dollarë/euro) në vit, përpara se të fitonte një diplomë universitare për drejtësi në Universitetin e Birminghamit. /Telegrafi/