Me paraqitjen e tij kundër Athletic Bilbaos të mërkurën në mbrëmje në barazimin 0-0 të PSG-së, Joao Neves barazoi rekordin e Cristiano Ronaldos në Ligën e Kampionëve.
Neves po vazhdon të shkruaj histori me emrin e tij, duke befasuar të gjithë me nivelin e treguar edhe pse në moshë të re.
Një rekord të fundit, Neves e ka arritur edhe gjatë kësaj jave, në ndeshjen e Ligës së Kampionëve të PSG-së të zhvilluar në udhëtim te Bilbao.
Sipas informacionit të raportuar nga BeFootball, mesfushori portugez luajti ndeshjen e tij të 30-të në këtë garë.
Duke arritur këtë total në moshën 21 vjeç e 74 ditë, Neves tejkalon Cristiano Ronaldon, i cili luajti ndeshjen e tij të 30-të në Ligën e Kampionëve në moshën 21 vjeç e 226 ditë.
Kjo statistikë konfirmon pjekurinë e hershme të Joao Neves, i cili tashmë e ka fituar këtë garë si një nga lojtarët kyç në triumfin e Paris Saint-Germain. /Telegrafi/
