Jennifer Lopez thotë se “i mbijetoi” industrisë së muzikës falë nënës: Jam muzikante për shkak të saj

Jennifer Lopez mësoi disiplinën e punës që në moshë të re.

Në kopertinën e re me Rolling Stone, aktorja dhe këngëtarja foli për dinamikën e familjes së saj në shtëpi – dhe konkretisht, se si marrëdhënia e saj me nënën, Guadalupe Rodriguez e përgatiti atë për një të ardhme në industrinë e muzikës.

“Dëgjo, nëna ime ishte gjithashtu një nënë argëtuese. Nëna ime ishte gjithashtu nëna që më futi në muzikalë dhe më prezantoi me të gjitha llojet e muzikës. Unë jam një muzikante për shkak të nënës sime”, ka deklaruar 52-vjeçarja.

“Por unë jam gjithashtu në gjendje t’i mbijetoj gjërave që kam mbijetuar në këtë biznes, sepse nëna ime ishte e ashpër. Unë mendoj se ajo nuk mund ta kuptonte se për çfarë po më përgatiste, por ajo e bëri”, tha tutje këngëtarja.

Pavarësisht suksesit të saj, Lopez shtoi se mënyra se si u rrit – në një shtëpi të vogël në Bronx me zero njohuri të mëparshme për biznesin, ndonjëherë e ka lënë atë të ndjehet si një person i papërgatitur për këtë, shkruan People.

“Gjithmonë ndihem sikur po tërhiqesha nga fundi. Gjithmonë më dukej sikur nuk isha ajo që duhej të isha. Kjo është pjesë e të qenit portorikan dhe nga Bronx dhe një grua”, tha këngëtarja e “Jenny from the Block”.

“E dini se çfarë dua të them? Të gjitha këto gjëra. Nuk kam lindur në një familje me para. Duke mos njohur askënd në biznes. Sapo dola atje dhe thashë: Unë thjesht do të do të përpiqem të hyj këtu”, shtoi ajo.

Dhe ajo me të vërtetë ia doli të fitonte vendin e saj në industri, por Lopez tha se ka ende një shkëputje mes vendit ku është dhe ku dëshiron të jetë.

“Epo, ajo nuk është aq e mrekullueshme. Ajo është e bukur dhe bën muzikë të lezetshme, por në të vërtetë nuk është kjo dhe ajo.” E dini, unë mendoj se kam bërë disa punë të bukura gjatë viteve, disa punë vërtet të bukura. Por ka një klub në të cilin unë thjesht nuk kam qenë pjesë”, u shpreh artistja.

“Dhemb që të mos përfshihesh. Nuk e di nëse do të përfshihem ndonjëherë. Ka një rreth të brendshëm, si: ‘Ne jemi artistët e mëdhenj’. Dhe pastaj janë artistët e popit”, deklaroi Lopez.

Javën e kaluar, Lopez foli për People edhe në një intervistë për komedinë e saj të re romantike “Marry Me”, që del në kinema më 11 shkurt, dhe ” historinë e bukur të dashurisë ” me Ben Affleck.

“Unë kurrë nuk kam qenë më mirë. Ne të gjithë jemi në një moment shumë të bukur”, shtoi ylli.

“Ndihem shumë me fat, e lumtur dhe krenare që jam me të”, tha ajo, duke reflektuar për romancën e tyre të rindezur. “Është një histori e bukur dashurie që ne patëm një shans të dytë”. /Telegrafi/