Jennifer Lopez ndez thashethemet për një fejesë me Ben Affleck, fotografohet me unazë të madhe diamanti

Jennifer Lopez ka ndezur thashethemet për një fejesë me Ben Affleck, pasi është fotografuar duke mbajtur një unazë të madhe diamanti në dorën e majtë, në fotografitë e reja të publikuara nga paparacët të enjten.

Këngëtarja e “Jenny From the Block”, 52-vjeçe, ishte parë duke blerë mobilie me vajzën e saj 14-vjeçare, Emme, në Culver City, Los Angeles.

Lopez ishte veshur elegante për një dalje të rastësishme, një fustan të shkëlqyeshëm dhe syze dielli të mëdha.

Ndërkohë Emme u shfaq komode me një palë xhinse, një pulovër dhe atlete ‘converse’.

Vetëm dy muaj më parë, Lopez ishte në një turne promovues për filmin e saj të ri, “Marry Me”.

Lexo po ashtu Jennifer Lopez sjell atmosferë verore e e veshur me një fustan me lule dhe taka

Ylli i filmit i tha Ellen DeGeneres se nuk mund ta kishte “menduar kurrë” rikthimin së bashku me regjisorin e “Argo”, por shtoi: “Është një gjë e bukur”.

Ajo dukej se kishte në mendje dasmën në atë kohë, sepse kishte veshur edhe një fustan nusërie në premierën e filmit.

Lopez dhe Affleck, 49 vjeç, u njoftuan thuajse dy dekada më parë kur çifti u fejuan për herë të parë.

Megjithatë, ata u ndanë në vitin 2004, por tu bashkuar sërish në vitin 2021.

Lopez u martua me Marc Anthony në qershor 2004, me të cilin pati dy fëmijë: binjakët Emme dhe Max, të lindur në 2008.

Affleck u martua me Jennifer Garner në qershor 2005 dhe kanë bashkë fëmijët: Violet, Seraphina dhe Sam. /Telegrafi/