Javier Tebas i kundërpërgjigjet Viniciusit për akuzat ndaj La Ligas rreth racizmit

Presidenti i La Ligës, Javier Tebas, ka hedhur poshtë pretendimet e Vinicius Junior se liga tani i përket racistëve pasi braziliani ishte subjekt i abuzimit gjatë humbjes 1-0 të Real Madridit ndaj Valencias.

Braziliani kishte lëshuar një kritikë të ashpër ndaj La Ligës dhe Federatës Spanjolle të Futbollit në mediat sociale pas ndeshjes.

Sulmuesi i Real Madridit kishte deklaruar se futbolli spanjoll ka arritur një nivel të ri të ulët, pasi më parë kishte një ligë që e kishte zili Evropa.

Lexo po ashtu Vinicius me shkrim sa goditës aq edhe prekës pas incidentit me tifozët e Valencias

Vinicius u ishte nënshtruar thirrjeve raciste para dhe gjatë lojës, duke shënuar incidentin e fundit të këtij sezoni ku 22-vjeçari ishte viktimë e abuzimit.

Tebas u përgjigj në mediat sociale, me presidentin e La Ligas që etiketoi kritikat e Vinicius nr si ‘shumë të padrejta’ dhe deklaroi se imazhi i garës nuk duhet të ‘njolloset’.

Zyrtari pretendoi se liga ka qenë ‘e pamëshirshme’ në ndjekjen e ankesave kundër autorëve, duke këmbëngulur se po përpiqet të luftojë racizmin brenda kompetencave të tij.

“As Spanja dhe as La Liga nuk janë raciste, është shumë e padrejtë ta thuash këtë”, ka shkruar Tebas.

“Nga La Liga ne denoncojmë dhe persekutojmë racizmin me gjithë ashpërsinë brenda fuqive tona”.

“Këtë sezon fyerje raciste janë raportuar 9 herë (8 prej tyre kanë qenë për fyerje ndaj Vinicius). Gjithmonë identifikojmë të çmendurit dhe ankimojmë në organet sanksionuese. Nuk ka rëndësi sa të paktë janë, ne jemi gjithmonë të pamëshirshëm”.

Lexo po ashtu Real Madridi në mbështetje të plotë ndaj Vinicius Jr, tregojnë masat drastike që do të marrin pas ngjarjes në Mestalla

“Nuk mund të lejojmë të njolloset imazhi i një gare që është mbi të gjitha simbol i bashkimit mes popujve, ku më shumë se 200 lojtarë me ngjyrë në 42 klube marrin çdo ditë respektin dhe dashurinë e të gjithë tifozëve, duke qenë racizmi një rast jashtëzakonisht specifik. (9 ankesa) që do t’i zhdukim”, ka vazhduar ai.

Tebas më herët i ishte përgjigjur komenteve të Vinicius Junior duke pretenduar se anësori nuk kishte shkuar në takime të shumta për të diskutuar çështjen. /Telegrafi/