Lojtarët e Manchester Unitedit janë fotografuar gjatë kthimit të tyre në hotel në orët e hershme të mëngjesit, pas festës së tyre pas triumfit në Kupën FA.
Yjet duke përfshirë Anthony Martial, Morgan Schneiderlin, Adnan Januzaj e Marouane Fellaini, janë parë gjatë arritjes në Corinthia Hotel, në afërsi të Embankment.
Së bashku me ta janë parë edhe disa femra që hynin në hotel me futbollistët, ndërsa qëndrimi i tyre aty zgjati vetëm dy ore dhe u larguan. Ato dukeshin të lodhura në momentin e daljes nga hoteli rreth orës 6:00 të mëngjesit.
Nga ana tjetër, lojtarët ishin të relaksuar dhe të veshur thjeshtë për daljen e tyre, ndërkaq janë fotografuar duke biseduar me femrat që i shoqëronin.
Kujtojmë që Djajtë e Kuq fituan ndaj Crystal Palace (2-1) në finalen e zhvilluar të dielën në Wembley Stadium të Londrës. /Telegrafi/
