Jaguar XJ do të jetë një kërcënim i fuqishëm për makinat nga Tesla

Këto janë pamjet më të afërta deri më tani, të kësaj makine të fuqishme

Javën e kaluar, është parë për herë të parë kjo makinë, por shoferi ka vërejtur se po fotografohet dhe ka arritur të largohet me shpejtësi, transmeton Telegrafi.

Mirëpo, kësaj radhe nuk ka pasur nga të largohet dhe reporterët që merren me makinat e reja, kanë arritur ta fotografojnë nga afër Jaguar XJ, që pas 52 vitesh është larguar nga prodhimi që të kthehet në makinë që mbushet me rrymë.

Në imazhet e siguruara, shihet ky model që do të jetë kërcënim i fuqishëm për makinat nga Tesla, Porsche Taycan dhe Audi e-tron GT.

Shtresat e mëdha të kamuflazhit, e kanë pamundësuar pamjen, por megjithatë shihet grilli i ri që është i ngjashëm me atë të I-Pace, ndërsa në pjesën e pasme dritat tashmë janë horizontale.

Brendia e makinës nuk është parë, por pritet që të jetë e njëjtë sikur te I-Pace, me nivel të lartë teknologjie që përfshinë një ekran me 10 inç, si dhe një tjetër të ndjeshme në prekje me 5.5 inç.

Nën kapak pritet ta ketë motorin me 90.2 kWh, që i mundëson autonomi deri në 470 kilometra. /Telegrafi/