Jada Pinkett Smith flet sërish pas skandalit në “Oscars”: Kurrë nuk e dini se çfarë po kalojnë njerëzit

Kanë kaluar një muaj që nga ceremonia e “Oscars 2022”, ku Will Smith e goditi me shuplakë Chris Rockun si përgjigje ndaj një shakaje për gruan e tij, Jada Pinkett Smith, por ky incident akoma është i diskutueshëm në rrjete sociale e tabloidet ndërkombëtare.

Jada ka shpërndarë një postim në rrjetet sociale në të cilin ka diskutuar për shëndetin mendor dhe nevojën për të kuptuar se çfarë mund të kalojnë të tjerët në prapaskenë.

“Asnjëherë nuk e dini se çfarë po kalojnë njerëzit”, tha ajo në Instagram pas episodit të fundit të “Red Table Talk”, i cili përmban një intervistë me April Simpkins, nënën e të ndjerës, Cheslie Kryst, që bëri vetëvrasje në janar të këtij viti.

View this post on Instagram

A post shared by Jada Pinkett Smith (@jadapinkettsmith)

“I jam mirënjohës nënës dhe babait të Chesliet që patën guximin dhe vullnetin për të folur për të dhe luftën e saj me depresionin”, nisi ajo.

“Ky episod vazhdon të vërtetojë se ka shumë më tepër që fshihen nën të gjithë ne, sa supozimet tona për njëri-tjetrin dhe perceptimet nuk mund të përmbushen”.

Lexo po ashtu Jada Pinkett Smith tregon se familja është duke u fokusuar në ‘shërimin e thellë’ pas incidentit të Will në “Oscars”

“Kur mendojmë se e dimë, ne bllokojmë mundësinë tonë për të parë me të vërtetë dikë që mund të ketë nevojë të shihet në një mënyrë tjetër nga ajo se si po e prezantojnë veten”.

“Kjo shfaqje më hapi sytë në një mënyrë shumë të thellë”, vazhdon ajo.

View this post on Instagram

A post shared by Jada Pinkett Smith (@jadapinkettsmith)

“Nuk do të jetë një shfaqje e lehtë për t’u parë, por është e rëndësishme”, thekson Jada.

Çfarë donte të thoshte Jada Pinkett Smith me postimin e saj në Instagram?

Edhe pse është e qartë se Jada Pinkett Smith i referohej në mënyrë specifike shfaqjes dhe situatës së Cheslie Kryst, shumë kanë bërë krahasime me atë që po ndodh në jetën e saj personale.

Komentet e saj për “ka shumë më tepër që fshihen nën të gjithë ne” dhe “nuk e di se çfarë po kalojnë njerëzit” janë interpretuar si një thirrje për mirëkuptim dhe dhembshuri më të madhe për jetën e saj private. /Telegrafi/

View this post on Instagram

A post shared by Jada Pinkett Smith (@jadapinkettsmith)