Ja pse dita e nesërme: 11/11, mund të jetë dita juaj më me fat e muajit, madje dhe e vitit!

Falë numerologjisë së fuqishme të 11/11, kjo e mërkurë vendosi të jetë një nga ditët më me fat të muajit dhe ndoshta të gjithë vitit.

11/11 është një datë magjike, veçanërisht nëse dini të përfitoni nga energjia e saj.

Numerologjia e 11/11

Numri 11 në numerologji përfaqëson rritjen, zgjimin dhe lidhjen shpirtërore, kështu që shpërthimi i dyfishtë i kësaj energjie në 11 nëntor krijon një mundësi të fuqishme për të hyrë në kontakt me qëllimet tuaja më të larta vetjake dhe shpirtërore. Njëmbëdhjeta është një numër kryesor në numerologji dhe shpesh ka të bëjë me ndryshime masive në jetë, apo mundësi që papritmas bëhen të disponueshme për ne.

Numri ka të bëjë me fillime të reja dhe kur kombinoni më shumë prej tyre së bashku, ju amplifikoni energjinë e tyre, gjë që e bën datën 11 nëntor, një central elektrik manifestues. Sipas shumë praktikuesve shpirtërorë, përafrimi i vetvetes me fuqinë fatlume të 11/11 mund të na përafrojë me të vërtetat tona më të thella dhe të na ndihmojë të krijojmë shtigje të reja, më autentike për veten tonë.

Njëmbëdhjeta është numri i zgjimit dhe ndriçimit shpirtëror”, thotë Laura Brown, praktikuese shpirtërore. Numerologjikisht, 11 nëntori është një kohë për të kontaktuar me nënvetëdijen tuaj, për t’u lidhur me fushën shpirtërore dhe për të hapur zemrën drejt mundësive për arritjen e ëndrrave tuaja më të mëdha.

Si të punojmë me energjinë e 11/11

“Filloni të mendoni vërtet për atë që dëshironi. Asnjëherë mos e nënvlerësoni rëndësinë e qartësisë kur bëhet fjalë për të manifestuar. Ju duhet të jeni absolutisht i sigurt për atë që dëshironi”. 11 nëntori është një kohë e mirë për të vendosur qëllime specifike që vijnë nga zemra juaj, kështu që kaloni kohë duke reflektuar pikërisht në atë që dëshironi dhe pse e dëshironi.

Nëse keni nevojë për disa udhëzime kozmike kur bëhet fjalë për të qetësuar bisedat tuaja mendore, provoni disa ushtrime reflektimi që mund t’ju lidhin më thellë me qëllimet tuaja. Mishëroni frekuencën e asaj që dëshironi duke imagjinuar se çdo gjë që doni është tashmë e juaja”, thotë Brown. “Si ju ndryshon? Si ndiheni? Çfarë bëni ndryshe? Çfarë ndikimi keni në botë?

Shkruani përgjigjet tuaja për këto pyetje reflektimi në një ditar, ose thjesht përdorini ato si një udhëzues mendor, ndërsa bëni një meditim relaksues të 11 nëntorit.

2020-a ka qenë një vit jo pak i lehtë për të gjithë ne, por data të tilla dhe gjithë ideja e “magjisë numerologjike” na ndihmojnë të fokusohemi vërtet tek pozitivet dhe të punojmë me energjinë tonë. /Anabel/Bustle/Telegrafi/