Ja kush janë dy personat me pagat më të larta në Kosovë

Ndonëse në Kosovë paga mesatare vlerësohet të jetë diku rreth 300 euro, bartës të institucioneve publike në Kosovë del të kenë pagë shumë herë se sa bashkëqytetarët e tyre.

Në deklarimin e pasurisë në Agjencinë Kundër Korrupsionit për vitin 2016 del se Drejtori Menaxhues i Fondit të Kursimeve Pensionale, Adrian Zalli dhe Guvernatori i Bankës Qendrore, Bedri Hamza, e kanë pagën me të lartë vjetore në Kosovë.

Sipas këtij deklarimi i pari që prinë për pagën me të madhe në vend është Drejtori Menaxhues i Fondit të Kursimeve Pensionale, Adrian Zalli, i cili ka pagë vjetore së bashku me mëditje hiç më pak se 62 mijë e 686 euro në vit. Zalli ka të kursyer në bankën BKT 162 mijë e 214 euro, ndërsa në Chase Bank, në New York, i ka të kursyera 15 mijë e 972 euro, shkruan “Zeri.info”.

Ndërsa, jo shumë larg tij nuk qëndron as Guvernatori i Bankës Qendrore, Bedri Hamza, paga vjetore e të cilit është 51 mijë e 944 euro.

Marrë në total paga e këtyre dyve gjatë një viti është 114 mijë e 630 euro.