Ja ku gjendet Maqedonia në listën e shteteve më me fat dhe më të pafat

Raporti më i ri ndërkombëtar për fatin, i publikuar në Romë, e radhit Maqedoninë në vendin e 95-të nga gjithsej 156 shtete të botës, transmeton Telegrafi Maqedoni.

Si vendë më me fat konsiderohet Danimarka, më pastaj vjen Zvicra, në vendin e tretë është radhitur Islanda, kurse në vendin e katërt është Norvegjia, e më pastaj vjen Finlanda.

Nga vendet tjera ballkanike, Kroacia është e 74-ta, Serbia e 86-ta, Bosnja dhe Hercegovina e 87-ta, Greqia e 99-ta, kurse Bullgaria është radhitur në vendin e 129-të.

Në vendet e fundit, pra si shtete më të pafat janë, Burundi, Siria, Togo, Afganistani, Benini dhe Ruanda. Kurse raporti ka filluar të publikohet nga OKB-ja që nga viti 2012.

Ky raport përpilohet në bazë të të dhënave të bruto prodhimit të brendshëm, kuptimit të korrupsionit, liria e sjelljes së vendimeve të pavarura, bujarisë, besimit në qeveri, si edhe cilësisë në demokraci. Radhitja e sivjetme tregon se Maqedonia ka shënuar rënie për dy vende, pra është më e pafat se vitin e kaluar./Telegrafi/