Ja cila parti më së shumti ka shpenzuar deri më tani në fushatën zgjedhore!

Nga partitë deri në KSHZ shpenzime më të mëdha financiare ka raportuar Lidhja Social Demokratike e Maqedonisë (LSDM), përcjell Telegrafi Maqedoni.

Ajo është 9,5 milionë denarë, plus të ardhurat nga kuotat e anëtarësisë në vlerë prej 23 milionë denarë. LSDM ndiqet nga OBRM-PDUKM, duke raportuar 7,4 milionë denarë, dhe pastaj Bashkimi Demokratik për Integrim prej gati 7 milion denarë dhe transferi nga një llogari e rregullt me vlerë prej 1 milion denarë. Më pak shpenzime financiare nga katër partitë më të mëdha politike ka PDSH, 602.000 denarë.

Koalicioni OBRM për Maqedoni, nga tre donacionet ka 1,843,500 denarë.

Koalicioni për Ndryshim dhe Drejtësi ka të ardhura prej 1,448,300 denarë, prej të cilave donacione janë 948,300 denarë dhe 500.000 të ardhura të tjera.

Të gjitha partitë politike kanë respektuar afatin për dorëzimin e raportit financiar për pjesën e parë të fushatës. Raportet janë të publikuara në faqen e internetit të Komisionit Shtetëror të Zgjedhjeve. Njoftohet sesa para dhe për çka kanë shpenzuar partitë. /Telegrafi/