Iu shemb ndërtesa 12-katëshe në Hatay, arrestohet ndërtuesi turk që donte të ikte në Mal të Zi

Mehmet Yasar Coskun, pronari i një kompleksi banimi të shkatërruar nga tërmeti, u ndalua në aeroportin Sabiha Gokcen të Stambollit teksa po përpiqej të largohej nga Turqia.

Kompleksi “Renaissance Residence” ndodhej në provincën e Hatay në juglindje të Turqisë ndërsa u shkatërruar tërësisht pas dy tërmeteve të fuqishme.

Lexo po ashtu Pamje të reja të tërmetit shkatërrues në Turqi: Veturat lëkunden, kamera ndalon së punuari

Ai po përpiqej të udhëtonte drejt Malit të Zi, ku po ndërton një kompleks banesor, raporton Anadolia.

Arrestimi u bë me urdhër të Zyrës së Kryeprokurorit Publik në lagjen Gaziosmanpaşa të Stambollit.

Sipas raportit, ai kishte me veti një shumë të parave, të cilat policia ia konfiskoi. Ende nuk është bërë e ditur zyrtarisht arsyeja e arrestimit të tij.

Ndryshe, kompleksi i apartamenteve 12-katësh kishte gjithsej 250 apartamente dhe ndodhej në lagjen Antakya të Hatayt.

Kompleksi reklamohet si një rezidence luksoze që kishte ‘kaluar’ të gjitha testet e ndërtimit.

Lexo po ashtu Gruaja 62-vjeçare ndërsa po nxirrej nga gërmadhat në Turqi: Nëse nuk e kam burrin gjallë, për mua jeta s’ka kuptim

Megjithatë, ai u shkatërrua plotësisht nga një tërmet me magnitudë 7.8 që goditi qytetin e Gaziantepit të hënën në mëngjes, pasuar menjëherë nga një tërmet me magnitudë 7.5 në provincën Kahramanmaras.

Ndryshe, tërmetet kanë shkaktuar mbi 24 mijë viktima së bashku në shtetin turk dhe sirian. /Telegrafi/