Italia do të bllokojë një kompani shtetërore kineze që të marrë kontrollin e gjigantit të prodhimit të gomave Pirelli

Italia ka bërë lëvizje për të bllokuar një kompani shtetërore kineze që të marrë kontrollin e gjigantit të prodhimit të gomave Pirelli.

Sipas mediave të huaja, përcjell Telegrafi, vendimi është pjesë e masave të shpallura nga qeveria italiane për të mbrojtur pavarësinë e Pirelli.

Gjiganti kimik i kontrolluar nga Pekini “Sinochem” është aksioneri më i madh i Pirelli-t, me 37% të aksioneve në firmën 151-vjeçare me bazë në Milano.

Kjo vjen pasi tensionet midis Pekinit dhe Perëndimit janë në fokus ndërsa Sekretari i Shtetit i SHBA-së viziton Kinën.

Të dielën, Pirelli tha në një deklaratë për investitorët se qeveria italiane kishte vendosur që vetëm Camfin – një kompani e kontrolluar nga shefi i Pirelli, Marco Tronchetti Provera – mund të emëronte kandidatë për të qenë shefi ekzekutiv i saj.

Pirelli tha gjithashtu se qeveria kishte vendosur që çdo ndryshim në qeverisjen e korporatave të kompanisë duhet t’i nënshtrohet një shqyrtimi zyrtar.

Reagimi vjen pasi Sinochem i tha qeverisë italiane në mars se planifikonte të rinovonte dhe përditësonte një pakt ekzistues të aksionerëve. /Telegrafi/