“Ishte nder të isha kryeministre e këtij vendi”, tha Truss në fjalimin e saj të fundit në Downing Street

Ish-kryeministrja britanike, Liz Truss dhe fjalimin e saj të fundit përpara se të nisej për në Buckingham Palace për të takuar mbretin Charles III dhe për të dhënë dorëheqjen nga zyra.

“Ishte një nder i madh të isha kryeministre e këtij vendi të madh. Në veçanti të udhëhiqja vendin në zi për vdekjen e madhërisë së saj, Mbretëreshës pas 70 vjetësh udhëheqje, dhe të mirëprisja Mbretin Charles III”, nisi Truss fjalimin e saj në Downing Street.

Ajo thotë se qeveria ka vepruar “urgjentisht dhe me vendosmëri” në anën e familjeve dhe bizneseve, transmeton Telegrafi.

“Në vetëm një periudhë të shkurtër kjo qeveri ka vepruar me urgjencë dhe vendosmëri në krah të familjeve dhe bizneseve punëtorë”.

“Ne përmbysëm rritjen e sigurimeve kombëtare. Ne ndihmuam miliona familje me faturat e tyre të energjisë dhe ndihmuam mijëra biznese të shmangin falimentimin. Ne po e marrim përsëri pavarësinë tonë energjetike, kështu që nuk do të jemi më kurrë të përkushtuar ndaj luhatjeve të tregut global ose fuqive të huaja keqdashëse”.

Truss theksoi mbështetjen e saj për Ukrainën dhe thotë se i uron Rishi Sunak “çdo sukses për të mirën e vendit”.

Ajo falënderoi familjen dhe miqtë e saj, ekipin e saj në numrin 10 dhe oficerët e saj të mbrojtjes.

Liz Truss ka dhënë dorëheqje ditë më parë nga pozita e kryeministres dhe tani në këtë post u zgjedh Rishi Sunak.

Sunak do të takohet me Mbretin Charles III për t’u zgjedhur zyrtarisht kryeministër i Mbretërisë së Bashkuar. /Telegrafi/