Ishte i mitur kur ndihmoi nazistët të vrasin mijëra hebrenj, por si 93-vjeçar u dënua me kusht

Ish-roja e kampit të përqendrimit nazist u dënua me dy vjet burgim me kusht për pjesëmarrjen në mijëra vrasje.

Një i moshuar 93-vjeçar, i identifikuar si Bruno D, u akuzua për 5,230 akuza për vrasje gjatë shërbimit të si roje e SS-it në kampin e përqendrimit Stutthof nga viti 1944 deri në 1945.

Është interesante se ishte i dënuar nga gjykata për të mitur në Hamburg, sepse ishte i mitur si 17-vjeçar në kohën e krimit. Ai u shpall fajtor për ndihmën e dhënë në vrasjen e të paktën të 5,232 personave, raporton CNN.

I akuzuari më parë pranoi se ishte roje në kamp, por në fillim të gjykimit tha se “atëherë nuk kishte zgjidhje”. Ai u rrit në fshatin Danzig, i cili tani është qyteti polak i Gdanskit.

Më shumë se 40 prokurorë nga Franca, Izraeli, Polonia dhe Shtetet e Bashkuara dëshmuan kundër ish-rojes së SSit gjatë gjykimit, i cili filloi në muajin tetor të vitit të kaluar, transmeton Telegrafi.

Edhe pse kanë kaluar më shumë se 75 vjet nga fundi i Luftës së Dytë Botërore në Evropë, ky është një nga gjykimet e fundit të ish-nazistëve.

Rreth 65 mijë njerëz u vranë gjatë Holokaustit në kampin e përqendrimit Stutthof, në afërsi të qytetit polak që tani quhet Gdansk.

Sipas aktakuzës së vitit 2019, Bruno D. me vetëdije ka mbështetur “vrasjet e fshehta dhe të egra” në kampin e përqendrimit të Stutthof.

Të burgosurit në Stutthof u vranë me armë zjarri, u helmuan me helmin Ziklon B dhe u privuan nga ushqimi dhe ilaçet, sipas dokumenteve gjyqësore.

Kujtojmë se prokurorët gjermanë po hetojnë 14 raste të tjera që lidhen me kampet e përqendrimit Buchenwald, Sachsenhausen, Mauhausen dhe Stutthof, njoftoi Zyra Qendrore për Hetimin e Krimeve Naziste.

Nazistët themeluan kampin Stutthof në vitin 1939, ku ishin vendosur 115 mijë të burgosur, ku më shumë se gjysma e tyre vdiqën.

Ndryshe, rreth 6 milionë hebrenj besohet se kanë vdekur në kampet e përqendrimit nazist gjatë Luftës së Dytë Botërore. /Telegrafi/