Ish-partnerja i shpall ‘luftë’ Eder Militaos: Do të zbuloj gjithçka që kam kaluar

Pasi Eder Militao hapi një proces të dytë gjyqësor me ish-partneren e tij në përpjekje për të krijuar një plan pagese për mbështetjen e fëmijës për vajzën e tyre, me 1200 euro në muaj, tani Karoline Lime ka ndryshuar pozicionin e saj dhe ka bërë të qartë se nuk do të ketë armëpushim.

Për blogeren, kjo është një shumë për t’u tallur marrë parasysh pagën e fituar nga mbrojtësi i Real Madridit.

“Sot edhe një herë jam e befasuar me një tjetër veprim të ish-it tim dhe sërish e kam marrë vesh përmes mediave”, ka postuar ajo në rrjetet sociale.

“Unë ende nuk kam qasje 100 për qind në këtë proces, avokati im është tashmë pas meje”.

Lexo po ashtu Të gjitha lajmet nga Eder Militao

“Por unë ju them vetëm një gjë: nëse gjithçka që del në media është e vërtetë (që shpresoj se nuk është) nuk do të hesht më”, tha ajo më tej.

“Unë nuk do të pretendoj, nuk do të mbyll më sytë. Tani fillon një luftë”.

Lima vazhdoi të mbrojë pozicionin e saj, duke deklaruar se karakteri i saj ishte vënë në pikëpyetje nga mbrojtësi brazilian.

“Unë jam grua, jam nënë, kam karakterin tim dhe falë Zotit kam zë dhe ndoshta kjo është e mërzitshme”, shtoi tutje.

“Pyes veten se sa gra kanë kaluar të njëjtën situatë. Kështu që tani do të përdor zërin tim për të zbuluar gjithçka që kam kaluar, gjithçka që po kaloj”.

“Nuk do të lejoj asnjë burrë, e lëre më vetë babanë e vajzës sime, të prishë karakterin tim dhe atë që jam në të vërtetë, e lëre më të thotë gënjeshtra për mua”.

“Kushdo që ishte me mua e di, por tani do ta dini të gjithë”.

“Jam përpjekur shumë herë të zgjidh gjithçka në mënyrën më të mirë të mundshme, pa përfshirë avokatët”.

“Pra, meqenëse ju doni të luftoni, le të luftojmë dhe të jeni të sigurt se municioni nuk më ka mbaruar”. /Telegrafi/