Ish-lojtari i Liverpoolit zbulon se u largua nga klubi anglez për shkak të Jurgen Klopp

Ish-ylli i Liverpoolit, i cili u largua nga Anfield për shkak të Jurgen Klopp, tani është bërë trajner.

Në vitin 2012, Liverpool ishte nën drejtimin e Brendan Rodgers, i cili nënshkroi mesfushorin turk Nuri Sahin si huazim nga Real Madrid.

Pas 12 paraqitjeve të tij të para për Liverpoolin, Sahin kishte regjistruar tre gola dhe tre asistime në atë që ishte një fillim premtues i tij në “Anfield”.

Megjithatë, tifozët e Liverpoolit nuk mund ta shijonin shumë lojën e Sahin pasi Klopp e ‘rrëmbeu’.

Në atë kohë, Klopp ishte në krye të Borussia Dortmundit dhe ai arriti të joshë Sahin  të rikthehet përsëri tek klubi që u largua për t’u bashkuar me Real Madridin në radhë të parë.

Në vitin 2018, Sahin shpjegoi vendimin e tij për t’u larguar nga Anglia. Në një intervistë për The Express ai ka thënë: “Në Liverpool, e nisa sezonin shumë mirë, por thjesht nuk mund t’i rezistoja perspektivës për të punuar përsëri me Jurgen Klopp, kështu që vendosa të largohem”.

“Nëse Dortmundi nuk do të bënte një ofertë për mua, atëherë do të kisha qëndruar në Liverpool për shumë vite të tjera, por ideja për të konkurruar në  Ligën e Kampionëve ishte shumë joshëse”.

Pas Dortmundit, Sahin kaloi kohë në Werder Bremen përpara se të kthehej në Turqi për të luajtur për Antalyaspor.

Në vitin 2021, Sahin u pensionua nga futbolli dhe mori drejtimin e Antalyaspor.

Në një intervistë tjetër, Sahin shpjegoi vendimin e tij për të kaluar në zejen e trajnerit.

“Kam pasur një karrierë 17-vjeçare si lojtar. Fillova të luaja profesionalisht kur isha vetëm 16 vjeç. E kam jetuar çdo moment, mirë apo keq, në një mënyrë shumë intensive. Më pas erdhi oferta nga Antalyaspor. Unë zgjohem çdo mëngjes dhe jetoj ëndrrën time. Nuk kam kohë as të më mungojë të luaj futboll”, përfundoi Sahin./Telegrafi/