Ish-kryetari i Apelit: Albulena Haxhiu po sillet si militante partiake, jo si ministre

Ish-kryetari i Gjykatës së Apelit, Hasan Shala, e ka kritikuar ministren e Drejtësisë, Albulena Haxhiu, duke thënë se po sillet si militante e partisë së saj e jo si ministre.

Shala tha se Haxhiu duhet të merret me punët e rëndësishme që i ka brenda kompetencave të saj e jo të sillet si militante.

“Haxhiu më shumë po deklarohet si militante e VV-së, se si ministre e Drejtësisë, po do me përfundu mandatin e s’po do me kuptu që është ministre jo militante. Ajo shumë më mirë është me u marrë me tri pozitat, burgjet apo Shërbimi Korrektues i Kosovës me u marrë me këto probleme. Qe dy apo tri herë u djeg Instituti i Mjekësisë Ligjore. Dhe për ligjet me i hartu cilësore, ato po ia kthen Kushtetuesja. Më mirë të merret me kompetencat e veta se me deklarata politike”, u shpreh Shala për RTV Dukagjini.

Lexo po ashtu Haxhiu: Informacionet janë kundërthënëse, nuk mund ta dimë me siguri që Faton Hajrizi është vrarë - nevojitet hetim për ta zbardhur të vërtetën

Sipas Shalës, Haxhiu nuk po i kryen në mënyrë të duhur detyrat që i përkasin.

Ai i përmendi ikjet e fundit nga burgjet e Kosovës, e që sipas tij janë përgjegjësi e ministrisë që Haxhiu e drejton.