Ish-kryeministrja e Bangladeshit, Sheikh Hasina, është dënuar me vdekje pasi u shpall fajtore për krime kundër njerëzimit.
Kjo vjen pas një gjyqi disamujor në vend që e gjeti atë fajtore për urdhërimin e një shtypjeje vdekjeprurëse ndaj një kryengritjeje të udhëhequr nga studentët vitin e kaluar.
Ish-udhëheqësja e cila ndodhet në Indi, u gjykua në mungesë pasi Kombet e Bashkuara thanë se deri në 1,400 njerëz mund të jenë vrarë në dhunë.
Këshilltari i shëndetësisë i Bangladeshit nën qeverinë e përkohshme tha se më shumë se 800 njerëz u vranë dhe rreth 14,000 u plagosën.
Studentët fillimisht filluan të protestonin për mënyrën se si po shpërndaheshin vendet e punës në qeveri, por përleshjet me policinë dhe aktivistët pro-qeveritarë shpejt u përshkallëzuan në dhunë .
Gjykata zbuloi biseda të Hasinës duke u dhënë udhëzime oficerëve të sigurisë që të hidhnin bomba nga helikopterët mbi protestuesit.
Gjykata u informua se ajo gjithashtu lejoi përdorimin e armëve vdekjeprurëse, duke përfshirë pushkët në distancë të afërt për dëm maksimal.
Bëhet e ditur se Hasina iku në Indi në gusht 2024 në kulmin e kryengritjes, duke i dhënë fund 15 viteve të sundimit.
Në një deklaratë të lëshuar pas vendimit, ajo tha se vendimi ishte "i anshëm dhe i motivuar politikisht" dhe "as ajo dhe as udhëheqës të tjerë politikë nuk urdhëruam vrasjen e protestuesve".
"Nuk kam frikë të përballem me akuzuesit e mi në një gjykatë të duhur ku provat mund të peshohen dhe testohen në mënyrë të drejtë", shtoi ajo.
Ndryshe, 78-vjeçarja është vajza e Sheikh Mujibur Rahman, i cili e udhëhoqi vendin drejt pavarësisë. /Telegrafi/
