Edhe pse VAR-i është prezent në Serie A, polemikat për referim jo të mirë nuk kanë të ndalur në kampionatin elitar italian.
Juventusi e fitoi derbin lokal ndaj Torinos me rezultat 1-0, por ndeshja vazhdon të komentohet.
(Getty Images)
Goli i vetëm në takim u shënua nga Alex Sandro, por që në fillimin e aksionit kishte një ndërhyrje në Cristian Ansaldi nga Federico Bernardeschi.
Gjyqtari Daniele Orsato vendosi që loja të vazhdojë, por kjo shikohet si gabim nga ish-gjyqtari, Tiziano Pieri, i cili thoshte se goli duhej anuluar.
"Në aksionin që sjell deri te goli i Alex Sandros në fillim kishte një ndërhyrje të palejuar në Ansaldin nga Bernardeschi".
"Kontrolli në heshtje i VAR-it sigurisht nuk ishte i mjaftueshëm".
"Orsato për mua është kampion, por sot nuk më ka bindur", ka thënë Pieri për Rai Italia. /Telegrafi/
