Ish-drejtori i akademisë së Barcelonës ende nuk mund ta besoj se si klubi e la Marc Guiun të largohej për te Chelsea

Ish-drejtori i akademisë së Barcelonës, Xavi Vilajoana, pranon se ishte i habitur që klubi i lejoi Marc Guiu të largohej për te Chelsea verën e kaluar.

Dështimi për të siguruar sulmuesin me një kontratë të re, e bëri të riun të largohej në drejtim të klubit londinez.

Vilajoana tha për AS: “Nuk e kuptoja. Do të kisha bërë gjithçka që ishte e mundur për ta mbajtur atë. Ishte e qartë se ai kishte shumë gjëra për të përmirësuar, por ai kishte një aftësi për të shënuar”.

“Ai ishte lloji i lojtarit që do të ishte zhvilluar dhe përmirësuar shumë shpejt këtu. Për një qendërsulmues që tregon fytyrën e tij në ekipin e të rinjve dhe ne nuk bëjmë përpjekje për ta mbajtur atë…?”.

Për shokun e skuadrës së Guiu, Marc Cucurella, Vilajoana shtoi: “Në momentin që duhej të vendosnim, Marc po konkurronte me (Juan) Miranda në krahun e majtë. Trajnerit iu dhanë dy opsione për t’u ngjitur në ekipin e parë dhe ai zgjodhi Mirandën”.

“Pra, ne duhej të gjenim një rrugëdalje për Cucurellan. Me (Alex) Grimaldo nuk kishte një opsion të tillë sepse ai preferonte të shkonte drejtpërdrejt jashtë vendit”, ka shtuar më tej ai. /Telegrafi/