Elizabeth Weber, ish-bashkëshortja e këngëtarit të njohur Billy Joel, ka reaguar ndaj etiketimit të tij si “shkatërruese shtëpie” pas ndarjes nga bashkëshorti i saj i parë, muzikanti Jon Small, për të qenë me këngëtarin.
Weber ishte e martuar me Small-in, i cili luante në të njëjtin grup rok me Joel në fillim të viteve të 70-ta.
Marrëdhënia mes saj dhe Joel-it çoi në shpërbërjen e grupit dhe, më pas, në martesën e tyre në vitin 1973. Dyshja u divorcua në vitin 1982, shkruan DailyMail.
Në një intervistë për Us Weekly, Weber tha se nuk e ka konsideruar kurrë Joel-in si person që “i prish shtëpitë”, duke theksuar se martesa e saj e parë kishte qenë tashmë e paqëndrueshme.
“Shtëpia ishte rrënuar… nuk kishim një lidhje të thellë. Nuk kishte shumë shtëpi për të shkatërruar”, u shpreh ajo.
Weber theksoi se lidhja me Joel-in përfaqësonte për të “një fillim të ri” dhe se pas divorcit kanë mbajtur një komunikim të hapur, megjithëse jo të afërt. /Telegrafi/
