Ish-anëtarët e grupit Wagner rrëfejnë krimet që kanë kryer në Ukrainë

Dy ish-anëtarë të Grupit Wagner duket se kanë treguar se si i kanë vrarë fëmijët në Ukrainë.

Azamat Uldarov dhe Alexey Savichev i thanë grupit rus të të drejtave të njeriut në mërgim, Gulagu.net se ata kryen mizori të shumta, raporton skynews.

Lexo po ashtu Putin sërish çalon gjatë vizitës në territoret e pushtuara në Ukrainë

Në një video, teksa pinte një cigare, Uldarov u pa duke thënë se “me këtë dorë ekzekutova një urdhër, vrava fëmijë, kuptoni, me urdhër. Na është dhënë urdhër që të fshijmë dhe të vrasim të gjithë. Ajo po bërtiste, ishte pesë, ndoshta gjashtë vjeçare. A e kuptoni? Unë nuk duhej të lija ndonjë të gjallë. Askush. Kishte një urdhër për të vrarë të gjithë”.

https://www.youtube.com/watch?v=5XFjQ8ZcR8o

Që nga shfaqja e videos, komandantët e dyshuar të grupit Wagner kanë pohuar se burrat ishin shantazhuar dhe paguar nga grupi i të drejtave të njeriut për tu rrëfyer.

Duke vlerësuar rrëfimin e dukshëm, analisti i mbrojtjes dhe sigurisë, Michael Clarke tha se “ajo që ata thonë duket e besueshme dhe përputhet me atë që ne dimë se ka ndodhur në Soledar dhe Bakhmut, por është më kurioze se pse po e thonë tani. Ata nuk janë kapur rob, kështu që nuk do ta thoshin këtë për t’i kënaqur ukrainasit. Ata nuk janë jashtë Rusisë, ata janë brenda Rusisë duke bërë rrëfime të dukshme të krimeve të luftës”.

Rrëfimi i tyre tani në mënyrë efektive do të thotë se ata do të arrestohen nëse ndonjëherë largohen nga Rusia. /Telegrafi/