Irani kap cisternën amerikane të naftës pranë Omanit

Irani ka kapur një cisternë nafte me flamur të Ishujve Marshall në Gjirin e Omanit.

Burra të armatosur të veshur me maska thuhet se hipën në anijen St Nikolas, afër portit të Omanit të Soharit, dhe e urdhëruan atë të lundronte në një port iranian.

Media shtetërore iraniane, duke cituar marinën, tha se konfiskimi ishte hakmarrje për anijen dhe naftën në të cilën ajo kishte në bord, të cilat ishin konfiskuar vitin e kaluar nga SHBA-ja.

St Nikolas ishte në tranzit midis portit irakian të Basrës dhe destinacionit të synuar në Turqi, raporton bbc.

Operacionet e Tregtisë Detare në Mbretërinë e Bashkuar njoftuan të enjten se kishte marrë një raport se katër deri në pesë “persona të paautorizuar”, që thuhet se mbanin “uniforma të zeza të stilit ushtarak me maska të zeza”, kishin hipur në anije në orën 03:30.

BREAKING:

Iran confirms it is behind the hijacking of the oil tanker MV St Nikolas near Oman today

The US-controlled & Greek-operated tanker was carrying 145,000 tonnes of oil from Iraq to Turkey

This crisis from the Bab al-Mandeb Strait has been expanded to the Hormuz Strait pic.twitter.com/N5wyhQYbgG

— Visegrád 24 (@visegrad24) January 11, 2024

Ata shtuan se komunikimet me anijen kishin humbur dhe autoritetet po hetonin.

Media shtetërore iraniane citoi ushtrinë të thoshte se anija është amerikane, megjithëse është në pronësi greke.

Kompania që e menaxhon atë, Empire Navigation, tha se ishte e ngarkuar me 145 mijë ton naftë bruto dhe në të ishin 18 filipinas dhe një shtetas grek si ekuipazh.

St. Nikola u kap në muajin prill nga SHBA-ja me emrin e mëparshëm, Suez Rajan, si pjesë e zbatimit të sanksioneve kundër Iranit.

Suez Rajan Limited, i cili më parë kishte marrë me qira anijen, më vonë u deklarua fajtor pasi kishte shkelur sanksionet duke shitur dhe transportuar fshehurazi naftë jashtë vendit në emër të Iranit. /Telegrafi/