Interi shumë pranë transferimit të Nicolo Zalewskit – mungon vetëm nënshkrimi

E ardhmja e Nicola Zalewskit me gjasë do të jetë në Milano, atje ku po e pret Interi. 

Në fakt, La Gazzetta dello Sport shkruan se Zalewski është vetëm një hap larg nga Inter. 

Negociatat me Romën tani janë në fazën përfundimtare, dhe lojtari mund të shkojë së udhëtojë së shpejti për t’iu bashkuar ekipit të Simone Inzaghit. 

Nëse do të ishte në dorën e trajnerit Inzaghi, lojtari do të kishte mbërritur tashmë sot, por ka ende disa detaje burokratike për t’u zgjidhur para se të bëhet zyrtare. 

Një nga hapat kryesorë për këtë transferim ishte rinovimi i kontratës me Romën, pasi kontrata e Zalewskit do të skadonte në qershor. 

 Nënshkrimi i kontratës së re me ‘Giallorossët’ ishte i nevojshëm për të lejuar huazimin te Interi, i cili do të ketë gjithashtu një opsion blerjeje, detajet e së cilës janë ende duke u përcaktuar. 

Lexo po ashtu Analiza e Arrigo Sacchit për katër klubet italiane që kanë mbetur në garë në Ligën e Kampionëve

Nuk pritet që Inter të paguajë një shumë të madhe parash për një blerje të përhershme. 

Ky operacion do t’i japë Inzaghit një alternativë të vlefshme në krah, duke lejuar gjithashtu që Carlos Augusto të përdoret më shpesh si zëvendësues i Bastonit./Telegrafi/