Interi e huazon për herë të katërt brenda tre viteve Valentino Lazaron

Interi ka vendosur ta huazoj përsëri mbrojtësin austriak Valentino Lazaro.

Anësori austriak iu bashkua zikaltërve në verën e vitit 2019 nga Hertha Berlin për 22 milionë euro, por që asnjëherë nuk ka arritur të bind me paraqitjet e tij.

26-vjeçari vetëm pas gjashtë muajsh u huazuar në Angli te Newcastle United, por u rikthye përsëri pasi nuk shkëlqeu.

Inter nuk e mbajti fare, pasi e dërgoi për një vit në Gjermani te Gladbach, por edhe për një vit tjetër si huazim te Benfica, por pa sukses.

As klubi gjerman e as ai portugez nuk kanë shprehur interesim për ta blerë atë dhe Inter ka vendosur ta huazoj përsëri austriakun.

Reprezentuesi austriak do të transferohet te Torino në huazim me të drejtë blerjeje, teksa të shtunën pritet të kryejë vizitat mjekësore dhe të nisë përgatitjet nën urdhrat e trajnerit kroat Ivan Juric.

Interi ka vendosur të paguaj një pjesë të pagës së lojtarit, i cili pritet të jetë një alternativë shtesë për Juric në dy krahët ku luajnë Singo dhe Mërgim Vojvoda./Telegrafi/