Inteligjenca artificiale nuk do të mund të përdorë më përmbajtje nga The Guardian

E përditshmja britanike The Guardian ka bllokuar teknologjinë e inteligjencës artificiale të kompanisë Open AI, ChatGPT, nga përdorimi i përmbajtjes së saj për gjenerimin e teksteve dhe prodhimeve tjera të inteligjencës artificiale.

Portali i këtij mediumi britanik tha se shqetësimi se OpenAI po përdor përmbajtje të palicensuar për të krijuar mjete të AI, ka bërë që shkrimtarët të ngrenë padi kundër kompanive dhe industrive krijuese që kërkojnë masa mbrojtëse për pronën e tyre intelektuale, transmeton Telegrafi.

Teknologjia gjeneruese e AI, termi për produktet që gjenerojnë tekst bindës, imazhe dhe tinguj nga udhëzimet e thjeshta njerëzore, ka mahnitur publikun që kur një version revolucionar i chatbot-it të tij ChatGPT u lançua vitin e kaluar, por në të njëjtën kohë ka pasur shqetësime për potencialin prodhimi masiv i dezinformatave dhe si ndërtohen mjete të tilla.

OpenAI, që nuk zbulon të dhënat që ndihmuan në ndërtimin e modelit pas ChatGPT, njoftoi në gusht se do të lejonte operatorët e faqeve të internetit të bllokonin shfletuesin e tij të internetit nga qasja në përmbajtjen e tyre, megjithëse masa nuk lejon që materiali të hiqet nga grupet e të dhënave ekzistuese për trajnim.

Në korrik, pronari i platformës X, Elon Musk prezantoi kufizimet për të adresuar ato që ai pretendonte se ishin “nivele ekstreme të grumbullimit të të dhënave” nga firmat e AI, duke vënë në dukje se pothuajse çdo kompani e përfshirë në AI merr sasi masive të të dhënave nga Twitter. /Telegrafi/