Infeksioni i virusit të frymëmarrjes (RSV) tek foshnjat dhe fëmijët e vegjël
Dr.Dr. med. Halil Krasniqi,
Ekspert i shëndetësisë
Aktualisht virusi RS është i përhapur në tërë Evropën dhe zakonisht në Gjermani. Ky virus është më tepër sezonal, por në tre muajt e fundit infeksioni është ngritur 500 herë më tepër se zakonisht.
Udhëheqësit e klinikave të fëmijëve raportojnë për përmbushjen e shtretërve me fëmijë të cilët janë duke u trajtuar nga Virusi Respiratory-Syncytial. Që nga nëntori është duke u rritur numri i infeksioneve në tërë Gjermaninë. Vetëm në një klinikë të fëmijëve në Stuttgart, nga nëntori janë trajtuar 166 fëmijë.
Çfarë është infeksioni me Virusin e frymëmarrjes Respiratory-Syncytial (RSV)?
Trakti i frymëmarrjes është pjesë e trupit që mundëson frymëmarrjen. Këto përfshijnë hundën, grykën, rrugët e frymëmarrjes në mushkëri dhe vetë mushkëritë. RSV është një virus që infekton traktin respirator.
Infeksionet RSV përhapen shpejt tek foshnjat dhe fëmijët e vegjël, veçanërisht në dimër dhe në fillim të pranverës. Pothuajse të gjithë fëmijët e kanë këtë virus deri në moshën 4 vjeçare.
RSV shkakton rrufë, ethe, kollë dhe gulçim.
Shumica e fëmijëve nuk kanë asnjë problem, por infeksionet e rënda mund të shkaktojnë vështirësi në frymëmarrje dhe nivele të ulëta të oksigjenit.
RSV mund të përsëritet më shumë se një herë, por simptomat nuk janë aq të theksuara sa herën e parë.
Çfarë e shkakton infeksionin RSV?
RSV është një nga shumë viruse që infektojnë traktin respirator. Të tjera përfshijnë virusin e ftohjes dhe virusin e gripit.
Nëse i sëmuri me infeksion RSV kollitet ose teshtin, ai mund të infektojë të tjerët afër me virusin duke thithur ose prekur pikat e infektuara të ajrit.
Cilat janë simptomat e infeksionit RSV?
Fëmijët zakonisht kanë simptomat e mëposhtme:
▪ Rrjedhje nga hunda
▪ Ethe
▪ Kollitja dhe fishkëllima (një tingull fishkëllimë kur marrin frymë të sëmurit)
▪ Simptomat zakonisht janë më pak të theksuara tek fëmijët më të rritur dhe të rriturit. Megjithatë, foshnjat mund të kenë simptoma të rënda.
Tek foshnjat nën 6 muajsh, simptoma e parë mund të jetë një pauzë në frymëmarrje (apnea)
Ndonjëherë foshnjat shumë të vogla kanë probleme të rënda të frymëmarrjes me fishkëllimë dhe nivele të ulëta të oksigjenit në gjak.
Si trajtohet infeksioni RSV?
Shumica e fëmijëve mund të përmirësohen në shtëpi me pushim dhe lëngje. Nëse të sëmurët kanë vështirësi në frymëmarrje, duhet trajtuar me oksigjen në spital.
Si e parandalojnë mjekët infeksionin RSV?
Nuk ka vaksinim kundër RSV. Njerëzit me fëmijë shumë të vegjël duhet të lajnë duart shpesh për të shmangur infektimin e foshnjës me virusin.
Në raste të rralla, mjekët japin një shiringë me ilaçe (palivizumab) çdo muaj për të ndihmuar në uljen e efekteve të infeksionit RSV.
Këtë medikament duhet përdor vetëm tek fëmijët që kanë të ngjarë të kenë vështirësi të rënda në frymëmarrje nga infeksioni RSV (p.sh., fëmijët shumë të vegjël me sëmundje të rënda të zemrës ose mushkërive, ose ata që kanë lindur shumë para kohe). /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre