Inaki Williams ka luajtur dy vitet e fundit me një nga lëndimet më të dhimbshme që mund të mendoni

Sulmuesi i njohur ganez, Inaki Williams, i cili paraqitet në radhët e Athletic Bilbaos në Spanjë, ka luajtur në dy vitet e fundit me një lëndim që mund t’ju bëjë të lotojnë sytë.

29-vjeçari, i cili ka luajtur në 251 ndeshje radhazi në ligë për klubin e tij të fëmijërisë, do të humbasë ndeshjen e fundit të sezonit kundër Rayo Vallecano të shtunën.

Trajneri i Bilbaos, Ernesto Valverde, u konfirmoi gazetarëve të premten pasdite se Williams aktualisht po rikuperohet nga operacioni pasi po lufton me një problem të vazhdueshëm në këmbë.

Dhe e gjithë kjo tingëllon relativisht normale, apo jo? Por nuk del të jetë ashtu. Rezulton se Williams ka luajtur me një copë xhami prej dy centimetrash të ngulitur në shputën e këmbës së tij.

Williams, i cili ka qenë lojtari i dytë me më së shumti minuta të luajtura tek ekipi i Bilbaos këtë sezon në La Liga, kishte pësuar një aksident në vitin 2022, kur ai shkeli një copë xhami të thyer.

Ai mendoi se këmba e tij ishte shëruar shpejt dhe vazhdoi të luante, por ai nuk e dinte se një copë e madhe xhami ishte ende e vendosur atje.

Valverde dha një përditësim në konferencën e tij për shtyp përpara udhëtimit të së shtunës në Madrid.

“Ne bëmë një skanim pas finales dhe zbuluam se ai kishte ende një copë xhami në këmbën e tij. Kur e qepën herën e parë, e lanë copën aty. Përveç kësaj, nuk është një copë e vogël, është rreth 2 cm. Ishte pranë një kocke ose një tendine, por duhej ta nxirrnim.”

“E vërteta është se unë dhe mjeku po qeshnim sepse nuk mund ta besonim”, ka thënë Valverde./Telegrafi/