LAJMI I FUNDIT:

Ilaçet më të mira dhe më të këqija në shtëpi për hemorroidet

Ilaçet më të mira dhe më të këqija në shtëpi për hemorroidet

Tri sosh eliminojnë dhembjen shumë shpejt, nëse i përdorni dy të tjerat do të gaboni

Mos i dëgjoni të gjitha këshillat që kanë të bëjnë me shëndetin.

Statistikat tregojnë që së paku gjysma e popullatës botërore ka probleme me hemorroidet.

Në popull janë të njohura si majasëll, kjo gjendje e dhembshme pikërisht janë enët e ënjtura të gjakut në pjesën e anusit dhe të pjesës së poshtme të rektumit.

Zgjerimi i enëve të gjakut ndodh nën presion, ndaj shkaku më i zakonshëm i formimit të tyre është sforcimi i tepërt gjatë lëvizjes së zorrëve (peristaltika e zorrëve), por edhe qëndrimi ulur i tepërt, shtatzënia, kapsllëku kronik, predispozicioni gjenetik, plakja, diarreja e shpeshtë, infeksionet e zonës anale, presioni i lartë, ngritja e peshave, transmeton Telegrafi.

Gjithashtu, ushqimi luan një rol të rëndësishëm në formimin e hemorroideve dhe ushqimet shumë të nxehta dhe pikante mund t’i shkaktojnë ato.

Hemorroidet ndahen në të jashtme dhe të brendshme. Ato të brendshme shfaqen brenda kanalit anal dhe kur janë më pak të theksuara nuk mund të shihen e as të ndjehen. Hemorroidet e jashtme shfaqen nën lëkurë që në fillim të kanalit anal dhe ndryshe nga hemorroidet e brendshme, ato mund të shkaktojnë dhimbje jashtëzakonisht të forta gjatë jashtëqitjes.

Janë të shumta “ilaçet” natyrale që mund të ndihmojnë në këtë problem, por edhe ato që janë të njohura në mesin e njerëzve dhe që sipas ekspertëve vetëm sa e përkeqësojnë gjendjen. Kirurgu kolorektal Jeremy Lipman paralajmëron se çdo ndryshim që vëreni rreth anusit tuaj është një flamur i kuq për të parë mjekun tuaj për t’u siguruar që asgjë më serioze nuk po ndodh, veçanërisht nëse shihni gjak. Nëse rezulton se janë hemorroide, provoni disa “kontrolle” të bëra vetë, që kanë rezultuar të dobishme për këtë problem.

Çfarë ndihmon?

Para se të provoni me trajtim shtëpiak, dr. Lipman thotë që më parë të konsultohuni me mjekun i cili do të konstatojë se fjala është për hemorroidet.

1. Bëni banjë në pozicionin ulur

Ekspertët u sugjerojnë personave që kanë hemorroide që të qëndrojnë ulur në ujë të ngrohtë 15 minuta disa herë në ditë – posaçërisht pas zbrazjes së zorrëve.

– Ky është një nga trajtimet më të mira – thotë doktor Lipman. Si kryhet? Duke vendosur një tas të vogël (i bërë special për t’u mbështetur në ulësen e guaskës së tualetit) dhe duke e mbushur me ujë të nxehtë. Në këtë mënyrë, zona e dhimbshme avullohet dhe qetësohet. Ju gjithashtu mund të uleni në një vaskë të mbushur me ujë të ngrohtë.

2. Leskrat psyllium

Leskrat psyllium mund të mblidhen në cilindo ushqim të shëndetshëm dhe ndihmojnë në rritjen e marrjes së fibrave dhe zbusin jashtëqitjen që më lehtë të kalojnë nëpër kanalin anal.

Kini kujdes që të mos gëlltisni shumë nga këto thekon menjëherë, pasi ato mund të shkaktojnë gazra ose ngërçe në stomak.

– Përdorini ato për të zbutur jashtëqitjen dhe për të zbrazur më rregullisht zorrët. Kur jashtëqitja është e butë dhe e lehtë për t’u kaluar, hemorroidet kanë më shumë gjasa të tërhiqen. Sigurohuni që të pini shumë ujë nëse merrni këtë suplement – thotë doktor Lipman.

3. Aloe vera

Cilësitë antiinflamatore të aloe verës mund të ndihmojnë në qetësimin e inflamacionit të hemorroideve. Dr. Lipman thotë që ky mjet është i sigurt për përdorim vetëm nëse bëhet fjalë për aloe vera të pastër, jo kur është i përbërë nga përbërësit e kremrave.

Çfarë nuk duhet assesi të përdorni?

1. Uthull molle

Besohet se përdorimi i uthullës së mollës mund të sjellë lehtësim të menjëhershëm nga hemorroidet, të zvogëlojë kruajtjen dhe dhimbjen.

– Nuk rekomandoj absolutisht përdorimin e uthullës së mollës sepse mund të djegë lëkurën për shkak të përdorimit të tepërt dhe të përkeqësojë problemet – Lipman.

2. Vaj peme çaji

A munden vetitë antiseptike dhe anti-inflamatore të vajit të pemës së çajit të zvogëlojnë ënjtjen dhe kruajtjen e shkaktuar nga hemorroidet? Ka hulumtime që sugjerojnë se një xhel i bërë nga ky vaj lehtëson simptomat, por kjo teori nuk është testuar mjaftueshëm, kështu që Dr. Lipman nuk e rekomandon atë.

Për të ndihmuar në trajtimin dhe parandalimin e hemorroideve, është e rëndësishme të hani mjaft fibra (25 gramë në ditë për gratë, 38 gramë në ditë për burrat) dhe të pini të paktën tetë gota ujë në ditë. /Telegrafi/

Në trend Shëndetësi

Më shumë
Tetë mënyra efektive për të ndaluar dhimbjen e dhëmbit në kushte shtëpie

Tetë mënyra efektive për të ndaluar dhimbjen e dhëmbit në kushte shtëpie

Shëndetësi
Kalo në kategori