Ibrahimovic flet për transferimin e Tonalit: Falë këshillave të mia është gati për Ligën Premier

Sandro Tonali është bërë shitja më e shtrenjtë në histori të Milanit, pasi mesfushori italian iu bashkua Newcastle United për 70 milionë euro.

Pak kush e mendoi se ky transferim do të realizohet, por në fund u arrit marrëveshja mes dy klubeve dhe Milani do të fitoj edhe bonuse, por ka ruajtur edhe 10 për qind të kartonit nga rishitja e ardhshme.

Rreth transferimit të mesfushorit italian në St James Park ka folur edhe Zlatan Ibrahimovic që e njeh mirë italianin pasi për disa sezone ishin së bashku te Milan.

Lexo po ashtu Pse Newcastle duhet të presë për të njoftuar nënshkrimin e Tonalit?

Ibra theksoi se Tonali është gati për një kampionat shumë të fortë si Liga Premier, kjo edhe falë këshillave të tij që sipas ish-sulmuesit, i kanë ndryshuar mentalitetin mesfushorit.

“A është Tonali gati për Premier League? Sigurisht që po, në fund të ditës gjithçka varet nga vetë ai. Unë e kam këshilluar dhe e kam bërë që në fushë të zbresë me një mentalitet fituesi dhe në fakt, Tonali u bë një lojtar fitues”.

Lexo po ashtu Tonali e ka refuzuar fillimisht Newcaslten - por si reaguan lojtarët e Milanit

“Është rritur shumë te Milani, ka shumë përgjegjësi në rolin e tij dhe duhet të rritet ende. Por, jam i sigurt se në Angli do t’ia dalë, madje do të bëjë shumë mirë”, tha Ibrahimovic.

Ibrahimovic në fund të këtij sezoni i dha fund karrierës së tij fantastike, derisa suedezi kishte një marrëdhënie të shkëlqyer me Sandro Tonalin. /Telegrafi/