Ibra pritet të kthehet te Suedia, mund të luajë ndaj Kosovës në Prishtinë

Sky Sport Italia konfirmon se Zlatan Ibrahimovic do të kthehet te kombëtarja e Suedisë dhe një njoftim zyrtar pritet të bëhet gjatë ditës së martë.

Mediat suedeze kanë raportuar se sulmuesi i Milanit është shprehur i gatshëm të kthehet në përfaqësuese, pesë vite prej se u pensionua.

Përzgjedhësi i Suedisë, Janne Anderson, ishte takuar me Ibran në Milano në muajin nëntor të vitit të kaluar.

View this post on Instagram

A post shared by Zlatan Ibrahimović (@iamzlatanibrahimovic)

“Kur Zlatan u shpreh i hapur për ndeshjet në ekipin kombëtar, ishte e natyrshme dhe e rëndësishëm që të takoheshim dhe të flisnim sa më shpejt që ishte e mundur. Jam i kënaqur që arritëm ta zhvillonim takim aq shpejt”, kishte deklaruar trajneri gjatë këtij muaji lidhur me takim që ka pasur me 39-vjeçarin.

Sipas Sky Sport Italia, e nesërmja (e martë) është dita kur do të bëhet konfirmimi zyrtar i kthimit të Ibrahimovic te Suedia dhe pritet ta shohim duke luajtur kundër Kosovës (më 28 mars).

Suedia bën pjesë në Grupin B kualifikues së bashku me Kosovën, Spanjën, Gjeorgjinë dhe Greqinë. /Telegrafi/