Humbi unazën e martesës, nuk do ta besoni ku e gjeti pas tri vitesh (Foto)

Një burrë i moshuar nga Bad Muenstereifel i Gjermanisë, që kishte humbur unazën e martesës para tri vitesh, e ka gjetur derisa po kujdesej për perimet e mbjella.

Unaza ishte kapur për një karotë dhe ka dalë përjashta kur është nxjerrë nga toka, transmeton Telegrafi.

Pensionisti 82-vjeçar, nuk ka mundur t’i besonte syve kur në mesin  perimeve të mbështjella me dhe, ka parë metalin e shndritshëm që e kishte mbajtur dikur në gisht.

Ai i kishte humbur shpresat se do ta gjente sërish rrethin nga ari, por gruaja tij i kishte thënë se një ditë do ta gjente.

Ashtu edhe ndodhi, por bashkëshortja tij nuk e mësoi kurrë, sepse ajo ka vdekur para disa muajsh. /Telegrafi/