Hoxhë Bedri Bytyqi: Veshja provokative ka ndikuar në rastin e të miturës nga Drenasi

Imami i një xhamie në Rahovec Bedri Bytyqi, konsideron se e mitura nga Drenasi, e cila ka qenë viktimë e abuzimit seksual, ka provokuar me veshje gjë që sipas tij ka ardhur deri të akti.

“Faji është i gjithanshëm, sepse kur nxënësja shkon në shkollë me veshje dhe dukje provokative, kur prindërit krenohen me veshjen dhe dukjen e saj provokative, kur mësuesi i paedukatë, mezi pret t’i ngacmoi e shfrytëzoi nxënëset e tij, e keqja është në prag”, ka thënë imami Bytyqi.

Bytyqi thotë se si shoqëri ekziston nevoja për moral institucional ose për institucione morale.

Shkrimi i plotë pa ndërhyrje

Nevoja për moral institucional apo për institucione morale!Në Kosovën tonë të “dashur” ka vend dhe hapësirë për çdo gjë që nuk është e mirë, për çdo gjë që nuk është morale, nga ajo më e vogla deri të më e madhja, e cila është e vogël dhe e madhe nuk dua ta definoj!

Java filloi me një kronikë nga RTK-ja, e cila kronikë ishte vendosur ndër lajmet e para të edicionit informativ, për një keqkuptim që kishte ndodhur mes Këshillit të Bashkësisë Islame në Vushtrri dhe një qytetari për (mos)pagesën e anëtarësisë si rrjedhojë për (mos)kryerjen e ceremonisë së varrimit!

Lexo po ashtu Rasti i të miturës në Drenas, një muaj paraburgim për policin

RTK i mbyll sytë përballë lloj-lloj skandali që ndodh nëpër institucionet publike shtetërore por është syçelë dhe mezi pret që të ndodhë diçka në institucionet fetare Islame për të bërë kronikë e për të qenë lajmi kryesor, pavarësisht se RTK si televizion publik paguhet nga 95% myslimanë!
U mundua të njollos petkun e Imamit por u njollos vet!

Lexo po ashtu Arrestohet gjinekologu që ia ndërpreu shtatzëninë të miturës nga Drenasi

Vazhdoi e dita e marte me skandalin e policit ndaj një të miture, që erdhi si pasojë e ngacmimit seksual të mësuesit ndaj nxënëses, kjo e fundit për të kërkuar ndihmë nga polici e gjeti vetën në prehrin e tij!

Faji është i gjithanshëm, sepse kur nxënësja shkon në shkollë me veshje dhe dukje provokative, kur prindërit krenohen me veshjen dhe dukjen e saj provokative, kur mësuesi i paedukatë, mezi pret t’i ngacmoi e shfrytëzoi nxënëset e tij, e keqja është në prag!

Kur ne i kemi sytë në ndihmën e policëve tanë, e ata(ai) na “ndihmojnë” duke na shantazhuar e duke shfrytëzuar rastin, s’na mbetet tjetër veçse ta marrim vet ligjin në dorë!

Lexo po ashtu Arrestohet profesori që abuzoi me të miturën nga Drenasi

Rasti i radhës ishte “mirësjellja” e doktorit me një paciente!

Këto skandale që pak i dimë e që shumë janë në realitet, na tregojnë se qëndrojmë keq si shoqëri, se duke dashur të bëhemi dikush tjetër, kemi harruar se cilët ishim, se urgjentisht kemi nevojë për moral institucional ose për institucione morale!

Duhet rritur koeficenti moral!

Bedri Bytyçi