Deputeti i Lidhjes Demokratike të Kosovës (LDK), Avdullah Hoti ka thënë se janë rritur kontratat njëburimore të prokurimit publik.
Sipas Hotit, gjatë kësaj qeverisje po konkurrojnë gjithnjë e më pak operatorë ekonomikë.
“Dy zhvillime shqetësuese po ndodhin në prokurimin publik gjatë qeverisjes ‘Krejt dhe Drejt’: gjatë vitit 2022, janë nënshkruar kontrata një burimore në vlerë 78.6 milionë euro, një rritje prej 26.6 milionë euro krahasuar me vitin paraprak apo 51 për qind më shumë. KEK-u është prijës në këtë drejtim: nga 44 milionë euro vlerë të kontratave të nënshkruara nga KEK-u gjatë vitit 2022, 38 për qind apo 16.8 milionë euro i ka bërë me kontrata njëburimore”, shkruan Hoti.
Ai shton se krahasuar me vitin e pandemisë COVID-19 ka rënie të operatorëve që kanë konkurruar për të marr pjesë në prokurim publik.
“Në vitin 2021, mesatarisht kanë konkurruar 4.0 operatorë ekonomikë për çdo tender, ndërkaq në vitin 2022 ka konkurruar 4.08. Ndërkaq, në vitin 2019 kjo shifër ka qenë 4.4 dhe në vitin 2020 ka qenë 4.8 (vit ky kur ka qenë pandemi dhe shumë biznese janë mbyllur)”, shton ai.
Ish-kryeministri i Kosovës pohon se këto zhvillime janë të dëmshme për vendin.
“Këto zhvillime në prokurimin publik janë të dëmshme në dy aspekte: kur lidhen më shumë kontrata njëburimore, atëherë buxhetit të shtetit i kushtojnë më shtrenjtë punët apo shërbimet që i prokuron dhe konkurrenca është e padrejtë; dhe kur ka më pak konkurrues për çdo tender të hapur, atëherë kjo nënkupton se kompanitë private nuk besojnë se kontratat jepen sipas kritereve ligjore, sipas çmimit më të ulët dhe cilësisë më të lartë. Duket qartë se kompanitë besojnë se janë lidhjet dhe favorizimet që përcaktojnë se kujt i jepet tenderi”, pohon ish-kryeministri.
Në fund, Hoti kërkon që të ketë raport për secilën organizatë buxhetore.
“Mirë do ishte të kishim një analizë të kontratave njëburimore për secilën organizatë buxhetore dhe listën e projekteve për këto kontrata, në mënyrë që të konstatohet se cilat janë arsyet që është dashur të lidhen kontrata njëburimore”, përfundon Hoti. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit