I hodhi pijen mbi kokë duke mos e ditur se është praktikuese e Muay Thai, pendohet burri nga Bangkoku

Jo më kot thonë në popull se “kush e lyp e gjen”, e një rast i tillë është dokumentuar në Bangkok të Tajlandës, ku një burrë u ngrit nga tavolina në një kafene për t’i hedhur mbi kokë pijen një vajze, e cila kishte refuzuar të dalë me të.

Por, ai nuk e dinte se ajo ishte një praktikuese e Muay Thai, një sport luftarak shumë i njohur në këtë vend, transmeton Telegrafi.

Bëhet fjalë për Chainarong Mareejan, 35-vjeç, i cili pa u menduar dy herë i hodhi birrën mbi kokë Pareploy Saeaia, 25-vjeçe, të cilës më herët i kishte kërkuar numrin e telefonit dhe ajo kishte refuzuar t’ia jep.

E kur mendoi se do të shpëtojë me kaq dhe të largohet pa u ndëshkuar, 25-vjeçarja iu vu pas dhe filloi ta godet dhe t’i kërkojë llogari se pse e bëri një gjë të tillë.

U desh që shumë kalimtarë rasti të ndërhyjnë për ta qetësuar situatën dhe ta shpëtojnë burrin, i cili duket se nuk i kishte punët mirë.

E kamera e sigurisë brenda kafiterisë kapi momentin kur 35-vjeçari i hodhi pijen mbi kokë, dhe më pas konfrontimin e vazhduan në rrugë.

Ndryshe Pareploy është luftëtare e Muay Thai dhe këtë sport e praktikon që kur ishte 13-vjeçe, e gjatë karrierës ka fituar shumë çmime. /Telegrafi/