Një grua nga Kentucky shpëtoi një biletë lotarie të pagërvishtur nga plehrat, dhe zbuloi se ishte fituese e 80,000 dollarëve.
Banorja e Shepherdsville, Pamela Howard-Thorton, u tha zyrtarëve të lotarisë së Kentucky, se bileta gërvishtëse prej 5 dollarësh e Flamingo Bingo i kishte tërhequr vëmendjen më parë, por ajo nuk kishte blerë kurrë një të tillë deri në vizitën e saj të fundit në një Speedway në Lebanon Junction.
"Thjesht pata këtë paralajmërim - shko merr atë biletë", kujtoi lojtarja.
Ajo përdori 200 dollarë fitime nga një biletë tjetër për të blerë katër bileta Flamingo Bingo, transmeton Telegrafi.
"Ato qëndruan në banak gjithë ditën. I kisha harruar, kështu që rreth orës 11:30 atë natë vendosa t'i luaja", kujtoi Howard-Thorton.
"Tre të parat nuk ishin fituese, kështu që i hodha në plehra. Pastaj thashë, 'Ku është bileta ime e katërt?' Shikova në plehra dhe thashë, 'O Zot, e hodha'", shtoi ajo.
Bileta që ajo shpëtoi nga plehrat doli të ishte një fitues prej 80,000 dollarësh.
"Sigurisht, e skanova, fillova të qaja dhe fillova të bërtisja e të ulërija", tha ajo.
"Menjëherë telefonova vajzën dhe mamin. Mami im gjithmonë ka thënë se do të jepte gjithçka vetëm nëse do të më shihte të fitoja një biletë. Kur e telefonova natën që fitova, ajo ishte shumë mirënjohëse dhe e lumtur për mua", tha për fund kjo grua fatlume. /Telegrafi/
