Për herë të parë në historinë e tregut automobilistik evropian, shitja e veturave hibrid plug‑in ka tejkaluar atë të automjeteve me motor nafte (dizel).
Ky ndryshim historik tregon se konsumatorët po kalojnë gjithnjë e më shumë drejt automjeteve më “të pastra” dhe miqësore ndaj mjedisit.
Hibridët, duke përfshirë edhe versionet plug‑in, përbëjnë tani rreth 34,7 për qind të shitjeve të veturave të reja në Evropë, ndërsa automjetet me benzinë mbajnë 26,9 për qind dhe ato elektrike 18,3 për qind. Dizelët kanë rënë në vetëm 8 për qind, duke shënuar një humbje të konsiderueshme të popullaritetit.
Ekspertët tregojnë se kjo tendencë lidhet me rregulloret strikte mbi emetimet, stimujt financiarë shtetërorë për automjetet elektrifikuar dhe skandalin e famshëm “Dieselgate”, që ka dëmtuar reputacionin e motorëve me naftë.
Bashkimi Evropian gjithashtu po shtyn drejt një kalimi të plotë në automjete me zero emetime, duke planifikuar ndalim të shitjes së makinave me djegie tradicionale deri në vitin 2035.
Ky ndryshim tregon një rrugë të re për industrinë automobilistike evropiane dhe thekson rritjen e shpejtë të popullaritetit të teknologjive hibrid dhe elektrike. /Telegrafi/
