Hekurudhat gjermane kërkojnë konduktorë dhe shoferë të trenave, paga bruto prej 2.650 euro

Privatizimi i hekurudhave në Gjermani është në proces e sipër, dhe përveç tetë hekurudhave shtetërore “Deutsche Bahn” (DB), aktualisht ekzistojnë rreth 300 kompani private që merren me transportin hekurudhor, qoftë ai për pasagjerë apo mallra, ndërsa punëtorë potencialë u ofrojnë deri në 2.650 euro pagë mujore.

Për shembull, gjatë vitit të ardhshëm në Shtutgart, shumica e hekurudhave rajonale të transportit publik do të menaxhohen nga kompania “Go-Ahead (Bahn), transmeton Telegrafi.

Dhe të gjitha këto kompani kanë një gjë të përbashkët – kërkojnë urgjentisht shofer të trenit dhe konduktorë.

“Deutsche Bahn” (hekurudhat gjermane) në Munih urgjentisht kërkojnë nga 50 deri në 100 konduktorë. “Metronom”, “Agilis”, “ODEG”, “Landerbahn”, “Go-Ahead” dhe kompani tjera transportuese gjithashtu kërkojnë urgjentisht konduktorë dhe shoferë të trenit.

Konkursi për konduktorë zgjat tre muaj, derisa ai për shoferë vetëm tetë muaj. Paga bruto e konduktorit në pjesën veriore të Gjermanisë sillet rreth 2.050 euro, derisa në pjesën jugore rreth 2.650 euro. /Telegrafi/