Këshilli Gjyqësor në seancën e sotme të 436-të rizgjodhi gjyqtarin Hasan Asani për kryetar të Gjykatës Themelore të Tetovës.
Gjyqtari Hasan Asani, u zgjodh me 9 vota “për” dhe tre kundër, përcjell Telegrafi Maqedoni.
Në shpallje, edhe pse ishin regjistruar tre kandidatë, vetëm Asani ka dorëzuar dokumentacionin e plotë.
Këshilli Gjyqësor më herët në seancën e sotme zgjodhi dy gjyqtarë në Gjykatën e Lartë dhe dy gjyqtarë në Gjykatën e Apelit të Gostivarit.
