Harry Kane emëron ish-yllin e Liverpoolit si lojtarin më të nënvlerësuar ndaj të cilit ka luajtur

Ylli i Bayern Munichut, Harry Kane ka cilësuar një ish-yll të Liverpoolit si lojtarin më të nënvlerësuari ndaj të cilit ka luajtur deri tani në karrierën e tij.

Kapiteni i Anglisë u largua nga Liga Premier verën e kaluar kur u transferua nga Tottenham Hotspur te gjiganti gjerman i Bundesligës, Bayern Munich.

Që kur u transferua në Bavari, sulmuesi ka qenë në formë produktive pasi ka shënuar 44 gola dhe 12 asistime në 45 ndeshje në të gjitha garat.

Këtë javë, Kane zgjodhi disa nga lojtarët e tij të preferuar gjatë një interviste me mediumin e njohur GOAL.

View this post on Instagram

A post shared by GOAL (@goalglobal)

Kur u pyet për të përmendur lojtarin e parë që i vjen në mendje kur dëgjon fjalën ‘shpejtësi’, Kane zgjodhi bashkëlojtarin e kombëtares së Anglisë, Kyle Walker.

Anglezi zgjodhi shokun e skuadrës së Bayernit, Jamal Musial për ‘potencialin’ dhe emëroi Cristiano Ronaldon si lojtarin më të mirë ndonjëherë.

Kur u pyet për lojtarin më të nënvlerësuar, Kane vazhdoi të emëronte ish- kapitenin e Liverpoolit, Jordan Henderson.

Henderson kaloi më shumë se 10 vjet si lojtar i Liverpoolit dhe u emërua kapiten i klubit pasi Steven Gerrard u largua në vitin 2015.

Që atëherë, ish-mesfushori i Sunderland është bërë një nga kapitenët më të suksesshëm të klubit pasi fitoi Ligën e Kampionëve, Ligën Premier, Superkupën e UEFA-s, Kupën e Botës për Klube, FA Cup, Carabao Cup dhe Community Shield.

Verën e kaluar, Henderson u largua nga Liverpooli për në Lindjen e Mesme pasi nënshkroi për skuadrën e Superligës së Arabisë Saudite, Al Ettifaq, të cilët drejtohen nga legjenda e Reds, Gerrard.

Megjithatë, pas vetëm gjashtë muajsh, Henderson u rikthye në futbollin evropian kur u largua nga Al Ettifaq për skuadrën holandeze Ajax.

Në 11 paraqitje në të gjitha garat, 33-vjeçari bëri tre asistime, por ende nuk e ka gjetur rrjetën për klubin e tij të ri. /Telegrafi/