Haradinaj uron kancelaren Merkel

Kryeministri i Republikës së Kosovës, Ramush Hardaniaj, i ka dërguar një letër urimi kancelares gjermane, Angela Merkel, me rastin e fitores së saj në zgjedhjet e 24 shtatorit.

Kryeministri Haradinaj ia ka shprehur admirimin e tij për ri-zgjedhjen e saj në mandatin e katërt radhazi për t’u shërbyer interesave më të mira të Republikës Federale të Gjermanisë.

Kryeministri kosovar e ka lavdëruar Kancelaren për lidership të qëndrueshëm dhe të fuqishëm, si dhe për rolin e rëndësishëm që ka ajo dhe Qeveria gjermane në mbështetjen e perspektivës politike dhe ekonomike të Kosovës.

“Republika e Kosovës dhe Republika Federale e Gjermanisë kanë marrëdhënie të shkëlqyera bilaterale dhe dëshiroj të rikonfirmoj përkushtimin e Qeverisë së Kosovës për thellimin e mëtejmë të bashkëpunimit që tashmë ekziston ndërmjet dy vendeve tona. Gjermania gjithmonë ka qenë një mbështetëse e fuqishme e pavarësisë së Kosovës dhe agjendës së saj për integrime evropiane. Iu shpreh urimet më të mira të Qeverisë dhe popullit të Republikës së Kosovës për prosperitet të vazhdueshëm të Republikës Federale të Gjermanisë dhe shfrytëzoj mundësinë që të shprehë për ju konsideratën time më të lartë. Zonja kancelare, unë iu shpreh urimet më të përzemërta për mandatin tuaj të katërt si dhe iu uroj shumë fat në jetën tuaj personale”, thuhet në letrën e Kryeministrit të Kosovës. /Telegrafi/