Kandidati për kryeministër nga koalicioni PAN, Ramush Haradinaj tha se janë duke bërë përpjekje që seanca e ardhshme për ta zgjedhur kryetarin e Kuvendit dhe nënkryetarët të mbahet në fund të kësaj jave ose javën tjetër.

“Përgatitjet janë në  fazën finale për një qeveri  gjithëpërfshirëse me bazë më të gjerë. Nuk jap saktësi me kënd jemi për marrëveshje por për mua çdo gjë do të zgjaste dy javë”, tha Haradinaj.

Sipas tij, konstituimi i Kuvendit është përgjegjësi e gjithë spektrit politik.

“Na presin shumë pune. Çdo gjë s’do te shkojë lehtë. Jemi të vetëdijshëm për gjendjen në vend. Konstituimi i Kuvendit nuk është vetëm temë e PAN it. Nuk më vjen mirë që po vonohemi më shumë”, tha Haradinaj.

Ndryshe, kandidati për kryeministër ka prezantuar katër kandidatët për kryetar të komunave, në Lipjan, Kamenicë, Kaçanik dhe Viti.

Ata janë Fitim Selimi, Faton Jakupi, Hajrush Kurtaj dhe Faruk Nura. /KP/