Haradinaj reagon ndaj Kryeministrisë për materialin që e postoi dje: Shqip ju thash se nuk di serbisht!

Deputeti i AAK-së, Daut Haradinaj, ka reaguar në lidhje me një deklaratë të Kryeministrisë lëshuar ku thuhet se ai ka vërtetuar se Bjehulla dhe Çakorri i takojnë Malit të Zi. Haradinaj ka thënë se Qeveria duhet ta bëjë publike marrëveshjen mes ish-presidentes Atifete Jahjaga me Qeverinë e Malit të Zi për hapjen e pikës kufitare në Çakorr.

Lexo po ashtu Haradinaj sjell fakte të reja: Mali i Zi Çakorrin e konsideron kufi mes dy shteteve (Foto)

Lexo po ashtu Kryeministria: Daut Haradinaj konfirmoi se pronat në Bjelluhë dhe Çakorr kanë qenë dhe janë në Mal të Zi

“Të nderuar miq, Qeveria e Kosovës paska gjetur kohë të merret me një deklaratë timen së cilës i kam bashkangjitur materiale nga pikëshikimi malazez për pikën kufitare të Kosovës me Malin e Zi. Aty kam thënë shkurt e shqip që s’e flas as s’e lexoj serbishten – nga e cila jemi LIRUAR njëherë e përgjithmonë si obligim dhe masë ndëshkimi e robërie. Por, edhe materiali në fjalë mund të shërbejë si pikë për bisedime. Kurrë s’kemi thënë që s’jemi për diskutim, për biseda, për gjetje të harmonisë gjithëkombëtare për këtë problem kaq të ndjeshëm. Por, zelli me të cilin Qeveria provon ta sheh veten të vërtetuar tregon shpirtngushtësinë dhe para së gjithash dështimin e saj në bërjen e votave për këtë projekt të saj i cili tashmë ka dështuar. Pasi ta ketë pranuar këtë fakt Qeveria do të bënte mirë të bëjë edhe një komunikatë: atë te marrëveshjes se Presidentes me Qeverinë e Malit të Zi për hapjen e pikës kufitare ne Çakorr. Pa asnjë dilemë e them se ka pasur dhe ka konsensus për ta kundërshtuar këtë formë të marrëveshjes që Kosovën e dëmton me mbi tetëmijë hektarë tokë”, ka shkruar Haradinaj në profilin e tij në Facebook. /Telegrafi/