Një hajdut është burgosur për gjashtë vjet e pesë muaj në Angli pasi tërhoqi një grua nga makina e saj dhe u largua me automjetin derisa tre fëmijët e gruas ishin ende në sediljen e pasme.

Sipas medieve të huaja, përcjell Telegrafi, vajzat e gruas, bërtitën të tmerruara derisa i varuri nga kokaina Ryan Fraser, 27-vjeçar, u largua me shpejtësi me Ford Kuga të zi.

Fraser vuri re 40-vjeçaren duke dalë nga makina e saj jashtë një salloni bukurie në Armley, Leeds, West Yorkshire, derisa ngjarja ndodhi më 3 tetor.

Ai e tërhoqi zvarrë nga motori, duke bërtitur drejt saj dhe duke e rrëzuar në tokë.

Fëmijët po qanin në pjesën e pasme të makinës derisa ajo ishte tërhequr nga këmbët.

Në një farë mënyre mamaja u ngrit në këmbë dhe u përpoq të ndalonte makinën, duke u mbajtur në derën e shoferit për aq kohë sa mundi.

Fraser voziti në mënyrë të çrregullt dhe iu tha në mënyrë të përsëritur fëmijëve që të heshtnin, sipas Gjykatës së Leeds Crown.

Bashkëpunëtori Andrew Hall, në vendin e pasagjerit, iu lut Fraserit që të ndalonte dhe t’i linte fëmijët të dilnin jashtë. /Telegrafi/