Haaland zbulon kërcënimin serioz që ia bëri Guardiola: Nëse nuk e bën këtë, do të shkatërrojë

Erling Haaland padyshim se është nënshkrimi më i mirë i Manchester Cityt, nëse jo në histori të klubit atëherë së paku në dy vitet e fundit.

Sulmuesi norvegjez iu bashkua Cityt në verën e vitit 2022 për 60 milionë euro nga Borussia Dortmund dhe ai ka shkëlqyer në Etihad Stadium.

23-vjeçari ka realizuar 60 gola e ka dhuruar 11 asistime në 64 ndeshje zyrtare me kampionin në fuqi të Evropës.

Lexo po ashtu Jo vetëm Arsenali, Guardiola zbulon edhe një tjetër skuadër që do të luftojë për titullin në Angli

Erling Haaland ka zbuluar bisedën që kishte me Pep Guardiolën ende pa nënshkruar me Cityn, ku ka thënë se trajneri spanjoll e ka kërcënuar se do ta shkatërronte nëse nuk e jep maksimumin në stërvitje.

“Guardiola kërkon shumë në stërvitje. Kur fola me të para se të nënshkruaja këtu, ai më tha: “Nuk më intereson se çfarë bëni, bëni çfarë të doni, por kur më keni mua në fushë stërvitore, duhet të jesh i përqendruar. Nëse jo, do të të shkatërrojë”, zbulon Haalad fjalët që ia kishte thënë Guardiola.

Reprezentuesi norvegjez theksoi se suksesi i Cityt vjen nga fokusi dhe rutina e tyre e stërvitjes.

Lexo po ashtu Dështon plani i Real Madridit – Haaland në bisedime me Manchester Cityn për rinovimin e kontratës

“Kështu është Pep dhe City si skuadër dhe si klub. Kjo është arsyeja pse ata kanë qenë kaq të suksesshëm. Presioni është aty, shikonin presionin që kemi çdo ditë si klub, si skuadër, si individë”.

“Por ju duhet të përqendroheni në një orë që kemi në stërvitje çdo ditë dhe pjesën tjetër të ditës relaksohuni, mos mendoni për futbollin, mos mendoni për asgjë. Mendoj se kjo është një pjesë e madhe e arsyes pse është kaq i suksesshëm këtu me të gjitha stafi”.

“Pas stërvitjes mos mendoni më për futbollin. Ju mendoni dhe zhvilloheni në fushë. Kur jeni në fushë, përqendroheni. Kjo është ajo që kërkon Pep”, tha Haaland. /Telegrafi/