“GucciFest” po mbahet – ja si ta shihni

Kur bëhet fjalë për vitin 2020, ne kemi një listë të gjatë ankesash, por çfarë erdhi si gjë pozitive? Rritja e modës pa stinë dhe ristrukturimi i Javëve të Modës.

Shumë ngjarje janë bërë plotësisht digjitale këtë vit, me shtëpitë e modës që gjejnë mënyra të reja për të shfaqur dizajnet e fundit.

Për shembull, pasi Gucci njoftoi se ishte duke kapërcyer kalendarin tradicional të pistës dhe duke prodhuar koleksione në kohën që dëshiron vet, marka vendosi të na jepte një javë të plotë inovacioni dhe kreativiteti, duke e quajtur atë “GucciFest”.

View this post on Instagram

A post shared by Gucci Official (@gucci)

Çfarë është “GucciFest”?

Është një festival festiv i modës dhe filmit që do të zgjas një javë. Nga 16 – 23 nëntor, Gucci po lëshon një serial të shkurtër në shtatë episode, të titulluar “Ouverture Of Something That Never Ended”, i cili tashmë ka tre episode të publikuara.

Filmat e shkurtër do të përfshijnë një koleksion të ri nga drejtori krijues i shtëpisë së modës, Alessandro Michele, i cili gjithashtu ndihmoi për të drejtuar videot përkrah Gus Van Sant. Videot janë xhiruar në Romë dhe interpretohen nga aktorja dhe artistja Silvia Calderoni.

Si mund ta shihni “GucciFest”?

Ekziston një faqe e tërë në internet kushtuar “GucciFest” dhe episodet e reja nga seriali i shkurtër lëshohen në kanalin e Gucci në YouTube.

Një episod i ri lëshohet çdo ditë, me kohë të ndryshme premierë. /Telegrafi/