Gruevski i kërkon anëtarësisë të mos i besojnë Mickoskit: Ka mënyra tjera për të shprehur besnikërinë ndaj partisë

Këto ditë Hristijan Mickoski dhe lidershipi i partisë mizorisht, dhunshëm dhe pa pritur më sulmuan dhe më akuzuan dhe nga sot është e qartë se po bëjnë një fushatë të parapërgatitur kundër meje, se kinse kam përgatitur bashkëpunim me pushtetin në dëm të partisë dhe kombit, shkruan ish-lideri i OBRM-PDUKM-së Nikolla Gruevski.

“Këtë e bënë në kohën kur unë vazhdimisht dhe pa përjashtim e sulmoj ashpër çdo ditë pushtetin me të gjitha forcat dhe argumentet e mia, ndërsa qëndrimet kombëtare i mbroj me argumente dhe fakte historike si asnjë nga lidershipi i partisë, i udhëhequr nga Mickoski. Dhe në kohën kur Mickoski dhe Zaev nuk i mohuan raportet mediatike për bashkëpunim të ngushtë dhe plane të përbashkëta për më shumë se gjysmë viti. Dhe qëndrimet kombëtare të Zaevit janë të njohura për ne… nuk më çudit që Zaev nuk më do në të njëjtin kamp me të.

Duke qenë se sulmet e tyre nuk janë të vërteta, sepse nuk mund t’i mbështesin as me prova më të vogël, thonë se disa të tjerë kanë biseduar dhe planifikuar diçka, janë pajtuar, janë mburrur apo të ngjashme, por unë nuk jam gjëkundi, ndaj mbetet që ata, në radhë të parë Mickoski i cili përpiqet të përfshijë të gjithë të tjerët, me vetëdije, me qëllim, të përgatitur prej kohësh, me një plan dhe strategji, një fushatë marketingu dhe hapa të para-programuar nisi jo vetëm një sulm, por edhe një fushatë të pistë kundër meje, pikërisht për të më bërë kundërshtarin e tyre dhe të na bëjnë keq. Unë kam qenë për një kohë shumë të gjatë në pozitën në të cilën është Mickoski, kështu që nuk e kuptoj se cilat janë qëllimet dhe motivet e tij”, shkruan Gruevski në profilin e tij në Facebook.

Gruevski kërkon nga anëtarët e partisë, aktivistët dhe të gjithë lidershipit që të mos bien pas strategjive të tilla katastrofike, të mendojnë vetë, të kërkojnë prova të forta kur i bëjnë të dënojnë dikë jashtë syve, që një ditë të mos të kërkojnë falje, apo të thonë se i kanë gënjyer.

Gruevski u thotë anëtarëve të partisë se kanë shumë mënyra tjera për të shprehur besnikërinë e partisë pa u bërë pjesë e lojërave të këqija./Telegrafi/